Mae gwarchodfa natur Dolydd Great Traston yn enghraifft o gors pori, math traddodiadol o dirlun ar y Gwastadeddau.
Mae'r dolydd gwlyb, ynghyd â rhewynau cysylltiedig, a ffosydd, yn darparu cynefin gwych ar gyfer amrywiaeth eang o blanhigion ac anifeiliaid. I gydnabod hyn, cyhoeddwyd y warchodfa yn Safle o Ddiddordeb Gwyddonol Arbennig (SoDdGA).
Mae'r caeau yn gartref i amrywiaeth eang o blanhigion. Mewn ardaloedd mwy llaith, edrychwch am lafnlys bach, cegiden-y-dŵr fanddail, brwyn a hesg. Ar y tir sychach, edrychwch am y gribell felen, tegeirian-y-gors deheuol ac ytbysen feinddail. Mae gan y safle hefyd gynefin da ar gyfer ystod eang o adar, fel bras y cyrs a thelor Cetti. Yn ystod yr haf, cadwch lygad am weision y neidr, gan gynnwys ymerawdwyr, phicellwyr tinddu a picellwyr praff, a gloÿnnod byw, fel y gweirlöyn cleisiog nodweddiadol. Mae'r warchodfa hefyd yn gartref i un o wenyn mwyaf prin y DU, y gardwenyn fain.
Mae llwybr cerdded o amgylch y warchodfa (30 munud), gan ddechrau o'r maes parcio bach, ac mae safle yn cael ei groesi gan Lwybr Arfordir Cymru.
Cwmni gwarchod Eastman Chemical sy'n berchen ar y warchodfa ac fe'i rheolir gan Ymddiriedolaeth Natur Gwent. Mae'n Safle o Ddiddordeb Gwyddonol Arbennig (SoDdGA).
Gwarchodfeydd Natur Digidol
Mae Gwarchodfeydd Natur Digidol yn cynnig profiad hollol newydd o archwilio gwarchodfeydd GWT ar eich ffôn, tabled neu gyfrifiadur personol.
Ewch i wefan GWT i ddechrau archwilio.
Chwiliwch am…
Cyfeirnod grid OS: ST 346 843
Gwefan y Dolydd